Blerina Tërbunja: KARMA

M’kanë dashtë
ata të cilët m’i mushen ditët me ngjarje
dhe unë s’dija për dashuninë
as për magjinë e fjalëve

M’ka dashtë ai
që më shkroi përnatë letër
e përgjigje si dhashë
dhe ai që m’bleu unazë
e ja përplasa fytyrës
më ka dashtë dhe një tjetër
që nuk e shihja dot në sy
se m’donte tepër
i thash
se kanë burrat kështu
m’ka dashtë
dhe ai që më fliste për jetën
e më qante në mungesën teme
përditë

M’kanë dashtë dikur ata
e unë ju dhashë veç lot
se në universin tem
nuk pat emën
s’kisha burrë të andërrave
veç me yjet
veç me diellin

Jeta të ruan për shfaqjen e madhe
dhe karma asht prezente
tash kur u përpjeka me Diellin
u msova me dashtë
me kjajtë
me qeshë
e me i kuptue
tan’ ata që
m’kanë dashtë