‘Ciao’ Raikkonen, Ferrari zgjedh pilotin e ri

Ferrari ndryshon përbërjen e pilotëve për sezonin e ri.
Mungon vetëm zyrtarizimi por tashmë është thuajse e kryer.

Kimi Raikkonen nuk do të jetë më një pilot i Ferrarit duke filluar që nga sezoni i ardhshëm.Skuadra italiane i ka komunikuar pilotit finlandez qëndrimin e saj që përpara garës së Çmimit të Madh të Italisë në Monza.

Sipas drejtuesve të Ferrarit Raikkonen bën shumë pak për të mos aspak përpjekje për të ndihmuar shokun e skuadrës Vettel në garën me Hamilton për titullin Botëoror për pilotë dhe kjo arsyeja kryesore që “Ice Man” nuk do t’i ofrohet rinovimi i marrëveshjes aktuale që skadon në fund të këtij sezoni.

Siç ishte zbuluar nga mediat edhe më parë zëvendësuesi i Kimit te kokëkuqja do të jetë Charles Leclerc, piloti i talentuar i dalë nga akademia e Ferrarit, aktualisht pjesë Sauber Alfa Romeo, i cili ka arritur marrëveshjen me skuadrën italiane për një kontratë 2-vjeçare.