Policia ndalon Vuçiqin të shkojë drejt Skenderajt

Policia e Kosovës ka ndalur automjetin me të cilin presidenti i Serbisë, Aleksandar Vuçiq, tentoi të shkonte në fshatin Banjë të Skenderajt.

Siç raporton “Tanjug”, ka një diskutim mes Policisë së Kosovës dhe Vuçiqit.

Në raportim theksohet se Policia e Kosovës i ka kërkuar Vuçiqit të kthehet prapa.

Më herët, qeveria vendosi të tërheqë lejen e Vuçiqit për të vizituar Drenicën. Rrugët për në Banjë janë bllokuar nga qytetarët.