Mbetën dy gra të vdekura, banorët dalin protestë për rrugën: Nuk ka sinjalistikë, jemi të rrezikuar

Banoret e zonës se ish kënetës protestojnë për mungesën e sinjalistikës në rrugën “Vëllazërimi”, në të cilën vetëm një natë më parë mbetën të vdekura dy gra të cilat u përplasën nga një makinë.

Aksidenti ndodhi mbrëmë, ku një 22-vjeçar tashmë i arrestuar përplasi për vdekje, dy gratë, nuse dhe vjehrrë.

Vetëm në  harkun e dhjetë viteve ne rrugën “Vëllazerimi” janë aksidentuar me pasoje vdekje 24 persona, gra, burra dhe fëmijë. Banoret kërkojnë vendosjen e sinjalistikës dhe ndriçimit.

Rruga “Vëllazërimi” në te dy krahët është e mbushur me shtëpi dhe biznese. Rruga “Vëllazërimi” nga banorët konsiderohet si rruga e vdekjes për shkak të aksidenteve të shumta.

POLICIA PËR NGJARJEN

Shtetaset e aksidentuara me pasojë vdekjen në aksidentin e ndodhur në lagjen Nr.17/1 janë  B.C. 56 vjeçe dhe S.C. 38 vjeçe”, njoftoi Policia.

Burime zyrtare nga policia bënë me dije se “në lagjen nr. 17/1 ne Durrës, një shtetas 22-vjeçar me mjetin e tij ka aksidentuar me pasojë vdekjen dy shtetase këmbësore. Drejtuesi i mjetit është shoqëruar në polici dhe po punohet për sqarimin e rrethanave te ngjarjes”.


Vizioni.info Author