BBC transmeton pamje të vajzave duke u puthur në kanalin për fëmijë, vërshojnë ankesat

Transmetuesi publik britanik, BBC, është vërshuar nga më shumë se 100 ankesa pasi në kanalin e vet për fëmijë, CBBC, transmetoi pamje të dy vajzave adoleshente duke u puthur në buzë.

Muajin e kaluar, besohet se mijëra fëmijë e panë skenën në kanalin CBBC, ku dy vajza adoleshente shihen duke u puthur në emisionin “The Next Step”.

Ky emision ka karakter garues në vallëzim. Gjatë performancës mes shoqeve të quajtura Jude dhe Cleo, që përcillej me një këngë të artistit Shane Harte, u bë e qartë se mes tyre kishte më shumë se miqësi, shkruan “Metro UK”, transmeton Gazeta Express.

Ndonëse shumë shikues e vlerësuan lart kanalin CBBC për transmetimin e kësaj skene, disa të tjerë nuk ishin të kënaqur me atë që panë.

Merret vesh se më shumë se 100 shikues kanë dërguar ankesa në adresën e transmetuesit publik për këtë transmetim.

Sidoqoftë, televizioni e mbrojti vendimin e vet për transmetimin e kësaj skene, duke thënë se seria e emisioneve mund të reflektojë dhe duhet të reflektojë më shumë për jetën e të rinjve të komunitetit LGBTQ+.

“Kjo është një pjesë e rëndësishme e misionit tonë për t’u siguruar që secili fëmijë të ndihet se është pjesë e shoqërisë, të ndihet i sigurt dhe të dijë se mund të jetë ai që dëshiron të jetë”, thuhet në deklaratë.

Fitore H

Read Previous

Thaçi reagon pas vdekjeve të shumta si pasojë e COVID-19

Read Next

Çfarë po ndodh? Pas Covid-19, IKSHPK alarmon për një tjetër virus


Warning: Unknown: write failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/srv/users/serverpilot/tmp/vizioni) in Unknown on line 0