“Nuk është kurrë vonë”/ 96-vjeçari në Itali kthehet në studentin më të vjetër të vendit

Një 96-vjeçar nga Italia është kthyer në studentin më të vjetër të vendit. Xhuzepe Paterno, në rini, si pasojë e varfërisë nuk mundi dot që të niste studimet.

Në moshë tepër të re ai u punësua në rrjetin hekurudhor. Mirëpo, me kalimin e viteve dëshira e Xhuzepes për të frekuentuar shkollën nuk shuhej. Kur u poqën kushtet e duhura, ai vendosi që të fillonte studimet në degën “Histori-Filozofi” në Universitetin e Palermos.

Ndërsa para pak ditëve u diplomua në shoqërinë e miqve të tij student, -që janë 70 vite më të ri se sa ai- dhe familjarëve. I moshuari thotë se e ka ushqyer gjithmonë dashurinë për librat, edhe pse në jetë ka përjetuar dy luftërat botërore, si edhe depresionin e madh të viteve të pasluftës, e cila sipas tij bëri që ai të ndalte shkollën.

“Thashë me vete o tani o kurrë. Në vitin 2017 u regjistrova në universitet. E kuptoja që ishte pak vonë për një diplomë tre vjeçare, por kjo shërbeu si një test ndaj vetvetes. Isha shumë i ndrojtur në fillim. Më mundonte ideja se si do të silleshin studentët e tjerë me mua, profesorët gjithashtu. Dy vitet e para ishin disi më të lehta, sepse leksionet i ndiqja në auditore, ndërsa ky vit si pasojë e pandemisë, mësimin e realizuam online. Ishte pak e vështirë kjo praktikë, sidomos për moshën time”, tha Xhuzepe.

Ardian H

Read Previous

Shqipëria arrestoi veteranin e UÇK-së me flet-arrest serb, reagon Kurti

Read Next

Gattuso para takimit të dytë me Barcelonën: Mund të markoj Messin vetëm në ëndrra ose kur luajë më djalin tim në PlayStation


Warning: Unknown: write failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/srv/users/serverpilot/tmp/vizioni) in Unknown on line 0