Prishtina e fiton bindshëm ndeshjen e parë gjysmëfinale të kupës kundër Drenicës

Prishtina e ka mundur 3:0 Drenicën në takimin e parë gjysmëfinal në Kupën e Kosovës të martën, në atë që ishte ndeshja e parë në futbollin kosovarë pas një pushimi të gjatë detyruese për shkak të pandemisë koronavirus.

Ahmet Januzi dhe Meriton Korenica i shënuan golat e triumfit për t’i dhënë Prishtinës një epërsi të qëndrueshme në Fadil Vokrri në kryeqytet, para ndeshjes së kthimit pas dy javëve në Skenderaj, raporton Gazeta Express.

Kjo ishte ndeshja e parë në futbollin kosovar pas rreth tre muajve pushimi të detyruar për shkak të Covid-19, virusit tejet ngjitës me të cilin janë prekur mbi 1.100 persona dhe kanë vdekur 30 veta në gjithë vendin.

Januzi shënoi për epërsinë e parë të bardhekaltërve në minutën e 28-të, falë një gabimi trashanik në mbrojtjen e Drenicës.

Dy minuta para se skuadrat të shkonin në pushimin mes pjesëve, Januzi e dyfishoi epërsinë e kryeqytetasve.

Skuadra e Armend Dallkut e shtriu dominimin mbi vizitorët që prej fillimit të takimit dhe ka mundur të fitonte me rezultat shumë më të thellë sikur mos të ishte për portierin Ymeri, i cili me pritjet e tij ua mohoi golin shumë herë bardhekaltërve.

Drenica ka mundur ta shënonte një gol shumë të rëndësishëm në udhëtim, por dështoi nga penalltia dy minuta para fundit.

Në minutën e 90-të, Korenica realizoi me kokë për 3:0 pas një harkimi nga Jazuni.

Ndeshja e kthimit do të zhvillohet më 17 qershor në Skenderaj.

Në gjysmëfinalen tjetër takohen Ballkani dhe Feronikeli, e cila do të zhvillohet nesër.

Ardian H

Read Previous

Dorëzohet trajneri i Drenicës: S’mund ta përmbysim rezultatin 3:0 kundër Prishtinës

Read Next

Chloe Ferry vazhdon me fotoseksi nga vetizolimi