Temperatura përvëluese të hënën dhe të martën, ky është parashikimi i motit për tërë javën

Instituti Hidrometeorologjik i Kosovës (IHMK), ka bërë të ditur se në dy ditët e ardhshme do të mbajë mot i nxehtë me temperatura të larta.

Instituti Hidrometeorologjik i Kosovës (IHMK), ka njoftuar se, masat e ngrohta të ajrit të ardhura ditë më parë nga Afrika, do të mbesin të qëndrueshme edhe gjatë dy ditëve të para të javës së ardhshme, duke mundësuar mot me diell dhe relativisht të qetë.

Sipas IHMK-së, nga dita e mërkurë, paraqiten kushte tjera meteorologjike, shkruan lajmi.net.

Kjo situatë vije si rezultat i masave të ajrit me origjinë nga veriu i kontinentit të cilat me vete bartin edhe sasi të mëdha të lagështisë.

I gjithë ky proces fizik rezulton me vranësira të dendura, reshje shiu dhe shkarkime rrufesh. Reshjet parashihen të shoqërohen me stuhi lokale dhe në territore të kufizuara, ekzistojnë kushte për reshje breshëri.

Temperaturat minimale do të lëvizin ndërmjet 13-17 gradë Celsius, ndërsa maksimalet e ditës parashihen të lëvizin ndërmjet 24-35 gradë Celsius. Do të fryjë erë nga juglindja dhe më pas nga verilindja me shpejtësi 1-18m/s.

Më poshtë ju sjellim tabelat për temperaturat minimale dhe maksimale për dy ditët e ardhshme në qytetet kryesore të vendit. 

Fitore H

Read Previous

Arrestohet personi i kërkuar për vjedhje të rëndë në Pejë

Read Next

Situata në Infektivë e rënduar: 20 pacientë në respiratorë